Líkaminn.is

Hér koma nokkrar áhugaverðar staðreyndir um hvað það er hættulegt að sitja lengi.

Via: Medical Billing And Coding

Veturinn er engin afsökun fyrir að fara ekki út að hreyfa sig, enda er hreyfing í kulda mun áhrifameiri þegar kemur að fitubrennslu þar sem líkaminn notar meiri orku til að bæði hreyfa sig og halda á sér hita.

Þegar við finnum kaldan gust sendir heilinn skilaboð til kirtla líkamans sem dæla út umfram-magni adrenalíns. Adrenalínið ýtir við fitufrumum líkamans sem eykur magn fitunnar í blóðinu og auðveldar þannig vöðvum líkamans að brenna fituna.

• Lesið meira á pponline.co.uk

Hér er fyrsti hluti áhugaverðrar heimildarmyndar frá BBC um rannsókn á grönnu fólki þar sem reynt er að finna út afhverju það helst grannt.

• Næstu hlutar

Núna nýlega opnuðum við fyrir að notendur geti stofnað sér aðgang á likaminn.is.

Fyrsti hluti kerfisins er nú orðin virkur en það er mælingar hlutinn. Geta notendur haldið þar utan um þyngdir, fituprósentu, ummál og aðrar mælingar, búið sér til línurit til að fá betri yfirsýn yfir ástand líkamans og hvort hlutirnir eru að breytast til hins betra eða verra. Með aðstoð kerfisins er því auðveldara að halda sér við efnið þar sem myndræn framsetning á ástandi og markmiðum gefur kannski þessa auka pressu sem maður er að leita eftir.

• Kíktu yfir á likaminn.is

Ég veit ekki hvort það þarf að vera að taka það sérstaklega fram á vef sem þessum hvað reykingar séu óhollar.

Mynd af healthbolt.net

Hversu óhollt það er fyrir líkamann er kannski oft ekki nógu sýnilegt og skaðinn svo fjarlægur að reykingafólk áttar sig ekki á því. Sömuleiðis er kostur þess að hætta að reykja svo fjarlægur þar sem það að hætta eykur lífslíkurnar, sem er eitthvað sem lifandi manneskja spáir kannski lítið í.

Þessi listi yfir hvaða áhrif það að hætta að reykja hefur á líkamann strax eftir að þú drepur í minnir þig vonandi eitthvað á að þú ætlaðir sennilega að vera búin að drepa í þeirri síðustu. Lesa áfram ‘Ef þú hættir að reykja strax’

TED er ráðstefna í Bandaríkjunum þar sem stjörnurnar úr heimi vísindanna og annað áhrifamikið fólk kemur saman og ræða stór og mikið málefni. Breski kokkurinn Jamie Oliver fékk þar tækifæri til að ávarpa þennan mikla hóp og færði Bandaríkjamönnum þar ansi sláandi staðreyndir um ástand barna og komandi kynslóðir þar í landi.

Ég held það sé nauðsynlegt fyrir okkur hér á Íslandi að fylgjast með ástandinu í kringum okkur og reyna að fyrirbyggja að svipað ástand komi upp hjá okkur.

Margir kannast við að borði þeir nógu hratt, geti þeir borðað meira. Fyrir þá sem eru að reyna að leggja sér línurnar, létta sig eða að reyna að borða hollar, þá er það alls ekki eitthvað sem þeir ættu að venja sig á. Það er ekki bara að skyndibitinn sé óhollur heldur er hluti nafnsins vandamálið. Við eigum ekkert að borða í skyndi.

Hér er þrjár fínar ástæður fyrir því að við gefum okkur meiri tíma í að borða.

1. Borðar minna – Við meltingu matar framleiðir líkaminn hormón sem berast til heilans og tilkynnir honum að þetta sé komið gott. Segir að einstaklingurinn sé búinn að fá nóg og nú sé komið að klára að melta matinn. Það segir sig síðan nokkuð sjálft að borði maður minna, auðveldar það manni að léttast.
2. Nýtur matarins betur - Ef þú mokar bara í þig matnum nýturðu bragðsins ekki nærri eins mikið. Í staðin fyrir að háma í þig fullan disk, jafnvel tvo, geturðu þá mikið frekar leyft þér síðan einhverja óhollustu í desert. Að sjálfsögðu í hófi.
3. Bætir meltinguna - Ef þú gefur þér betri tíma í að borða og nýtur hvers bita þá tyggurðu matinn betur og auðveldar þannig meltinguna.

Þetta snýst að sjálfsögðu um að okkur líði betur. Í dag virðist allt snúast um að gera allt hraðar. Koma við á skyndibitastað til að rífa með okkur eitthvað í hádeginu eða á leið heim úr vinnunni. Drífum okkur að borða til að ná næsta þætti af Desperate Housewives, nýjasta Lost þættinum eða til að stökkva í tölvuna til að sjá hvað hefur verið sagt á Facebook síðan síðast. Gefum okkur tíma frekar við matarborðið og slöppum af. Það fer mikið betur með okkur.

Sennilega hafa allir fengið hlaupasting.

Flestir anda víst út á hlaupum þegar þeir stíga niður í hægri fótinn. Þegar maður byrjar útöndunina er lungað fullt af lofti og því þrýstist lifrin, sem er hægra megin í líkamanum, fastar niður við skellinn þegar stigið er í fótinn, og togar í þindina og veldur þannig verknum.

Eitt ráðið er því er að fylgjast með önduninni og anda frá sér þegar stigið er í vinstri fótinn.

• Fleiri ráð við hlaupasting á eHow.com

Ný rannsókn leiðir í ljós að með þremur einföldum skrefum er hægt að minnka líkur á offitu barna til muna. En með því að:

• Borða máltíðir með fjölskyldunni
• Fá nægan svefn
• Takmarka sjónvarpáhorf

Fjögurra ára krakkar á heimilum sem fylgdu þessum reglum voru 40% minna líkleg til að þjást af offitu en börn sem fylgdu þeim ekki.

Rannsóknir eru alltaf að leiða í ljós aðra þætti lífsstíls einstaklinga en að eingöngu hollt matarræði og hreyfing hafi áhrif á heilsu okkar.  Oftast eru þetta hlutir sem okkur þykja sjálfsagðir þegar við heyrum þá – og alveg jafn oft gerum við lítið sem ekkert í þeim. Eftir því sem við vitum af fleiri áhrifaþáttum eigum við kannski auðveldara með að koma auga á hvað má betur fara í okkar daglega lífi.

• Sjá nánar á livescience.com

Hversu lengi siturðu við tölvuna á dag?

Samkvæmt nýrri sænskri rannsókn eru auknar líkur á að þeir sem sitja í lengri tíma eiga á frekari hættu á að fá sjúkdóma og lifa skemur en þeir sem standa upp reglulega og hreyfa vöðvana. Ekki er um ferðir í ræktina og mikla hreyfingu að ræða heldur einfaldlega að standa upp og t.d. sækja sér kaffi.

Sem dæmi eykst hættan á kviðfituheilkennum (e. metabolic syndrome) kvenna, undanfari sykursýki og hjartasjúkdóma, um 26% fyrir hvern auka klukkutíma sem þær sitja fyrir framan sjónvarpið, samkvæmt einni rannsókninni.

Stattu því aðeins upp frá tölvunni og hreyfðu þig aðeins!

• Lesa nánar á WebMD.com