Líkaminn.is

Það er ekki að ástæðulausu sem það er tuggið ofaní okkur frá blautu barnsbeini að morgunmaturinn sé mikilvægasta máltíð dagsins.

Fjölmargar rannsóknir styðja það að hollur og góður morgunmatur getur dregið líkurnar á allskyns sjúkdómum, eykur lífslíkur okkar og hefur heilt yfir jákvæð áhrif á bæði líkama og sál.

Þrátt fyrir mikilvægi morgunmatar, virðist hann máltíðin sem við sleppum hvað oftast. Í staðin keyrum við okkur í gegnum fyrstu klukkutíma dagsins með koffíni, sykri eða öðrum orkugjöfum fram að fyrstu máltíð dagsins.

Á morgnana höfum við oft ekki borðað í 8 til 12 tíma svo líkaminn þarf orðið nauðsynlega á næringu að halda. Morgunmaturinn er fyrsta tækifærið til að ná upp blóðglúkósa magni líkamanns eða blóðsykrinum – en hann berst í allar frumur líkamans þar sem þær búa til orku úr honum. Þar sem heilinn í okkur getur ekki geymt kolvetni eins og vöðvar okkar þarf hann stöðugt á glúkósa að halda til að geta búið til nægilega orku til að starfa. Án nægilegs blóðsykursins erum við sljó, höldum athygli stutt og erum heilt yfir orkulaus.

Hvort sem við erum að létta okkur eða að reyna að stýra þyngd okkar á einhvern hátt, þá er morgunmaturinn  mikilvægur þáttur í því. Góður morgunmat á að innihaldið einn þriðja af kaloríuþörfum líkamans yfir daginn. Þú færð þér bæði nauðsynlega næringu eftir nætursvefninn og dregur úr líkum á að innbyrgða of mikið magn kaloría út daginn.

Vatn er sömuleiðis allra meina bót. Eftir brennslu líkamanns yfir nóttina er vökvatap líkamanns orðinn töluverður og því mjög gott að fá sér vatn fljótlega eftir að við förum á stað inn í daginn en koffínið sem við fáum með kaffinu eða gosinu sem við fáum okkur hefur einmitt þveröfug áhrif svo svakalega góð breyting á morgunrútínunni væri að fá sér eitt vatnsglas á undan fyrsta kaffibollanum.

En þetta vitum við auðvitað

Einmitt.. þetta er eitthvað sem við höfum heyrt frá blautu barnsbeini. Samt sleppum við þessari máltíð stundum. Ástæðurnar geta verið fjölmargar. Eitt “snús” of mikið á vekjaraklukkunni, orkuleysi til að undirbúa morgunmatinn, stress eða einhver utanaðkomandi áhrif.

Skipulag – gæti verið það sem vantar. Ef það er alveg á hreinu kvöldið áður hvað við ætlum að fá okkur í morgunmat eru miklu sterkari líkur á því að við borðum hann. Það kemst síðan ótrúlega fljótt upp í rútínu og fyrr en varir er þetta orðin nauðsynleg byrjun á deginum.

Margir sem hafa vanið sig af morgunmat eða aldrei komist á lagið með hann eiga það til að verða óglatt og líða illa fyrst eftir að það er byrjað aftur. Eina ráðið við því er að takmarka magnið sem er borðað. Byrja smátt og auka það síðan. Langbest er að láta sig hafa það í nokkra daga, því að borða morgunmat venst ótrúlega fljótt.

Hvað borðar þú í morgunmat? Hvernig gengur þér að halda þér við efnið að borða hann á hverjum morgni? Ef þú ert með töfra morgunmatinn eða rútínuna værum við til í að heyra af því.

• Tweet