Líkaminn.is

Hér er fyrsti hluti áhugaverðrar heimildarmyndar frá BBC um rannsókn á grönnu fólki þar sem reynt er að finna út afhverju það helst grannt.

• Næstu hlutar

TED er ráðstefna í Bandaríkjunum þar sem stjörnurnar úr heimi vísindanna og annað áhrifamikið fólk kemur saman og ræða stór og mikið málefni. Breski kokkurinn Jamie Oliver fékk þar tækifæri til að ávarpa þennan mikla hóp og færði Bandaríkjamönnum þar ansi sláandi staðreyndir um ástand barna og komandi kynslóðir þar í landi.

Ég held það sé nauðsynlegt fyrir okkur hér á Íslandi að fylgjast með ástandinu í kringum okkur og reyna að fyrirbyggja að svipað ástand komi upp hjá okkur.

Margir kannast við að borði þeir nógu hratt, geti þeir borðað meira. Fyrir þá sem eru að reyna að leggja sér línurnar, létta sig eða að reyna að borða hollar, þá er það alls ekki eitthvað sem þeir ættu að venja sig á. Það er ekki bara að skyndibitinn sé óhollur heldur er hluti nafnsins vandamálið. Við eigum ekkert að borða í skyndi.

Hér er þrjár fínar ástæður fyrir því að við gefum okkur meiri tíma í að borða.

1. Borðar minna – Við meltingu matar framleiðir líkaminn hormón sem berast til heilans og tilkynnir honum að þetta sé komið gott. Segir að einstaklingurinn sé búinn að fá nóg og nú sé komið að klára að melta matinn. Það segir sig síðan nokkuð sjálft að borði maður minna, auðveldar það manni að léttast.
2. Nýtur matarins betur - Ef þú mokar bara í þig matnum nýturðu bragðsins ekki nærri eins mikið. Í staðin fyrir að háma í þig fullan disk, jafnvel tvo, geturðu þá mikið frekar leyft þér síðan einhverja óhollustu í desert. Að sjálfsögðu í hófi.
3. Bætir meltinguna - Ef þú gefur þér betri tíma í að borða og nýtur hvers bita þá tyggurðu matinn betur og auðveldar þannig meltinguna.

Þetta snýst að sjálfsögðu um að okkur líði betur. Í dag virðist allt snúast um að gera allt hraðar. Koma við á skyndibitastað til að rífa með okkur eitthvað í hádeginu eða á leið heim úr vinnunni. Drífum okkur að borða til að ná næsta þætti af Desperate Housewives, nýjasta Lost þættinum eða til að stökkva í tölvuna til að sjá hvað hefur verið sagt á Facebook síðan síðast. Gefum okkur tíma frekar við matarborðið og slöppum af. Það fer mikið betur með okkur.

Muna lýsið!

Bylgjan og Lýsi eru með leik í gangi þar sem óskað er eftir besta trixinu til að muna eftir að taka lýsi. Tekur þú lýsi með morgunmatnum, fyrsta kaffibollanum eða fyrsta innliti á Facebook á morgnana?

Við mælum auðvitað með að þú byrjir daginn á að kíkja á likaminn.is bloggið og um leið skellir í þig Lýsi. Og ekki gleyma morgunmatnum.

Um þorskalýsi af lysi.is:

Hrein hollusta með háu hlutfalli af fjölómettuðum fitusýrum, auðug af A- og D- vítamínum og með viðbættu E-vítamíni. Þorskalýsi fæst óbragðbætt, með frískandi sítrónubragði og með ávaxtabragði.

Þorskalýsi styrkir vöxt tanna og beina, hefur góð áhrif á sjónina og byggir upp viðnám gegn ýmsum kvillum. Það er auðugt af ómega-3 fitusýrum og víða um heim er verið að rannsaka ítarlega áhrif þeirra á ýmsa sjúkdóma, svo sem sóríasis, astma, hjarta-, geð- og gigtarsjúkdóma. Niðurstöður rannsóknanna hafa vakið mikla athygli og sýna að fitusýrurnar koma líkamanum til góða á mörgum sviðum. Þær skýra hollustu lýsisins sem löngum hefur verið kunn meðal Íslendinga.

Þorskalýsi er einnig góður D-vítamíngjafi og stöðugt fleiri álitsgjafar í næringar- og heilsufræðum benda á nauðsyn þess að neyta þorskalýsis til að tryggja nægjanlegt magn þessa mikilvæga vítamíns, ekki síst til að viðhalda beinþéttni.

RÚV hefur verið duglegt að sýna þætti um næringu og hollustu uppá síðkastið.

Í kvöld var sýndur þáttur um rannsókn, sem stóð yfir í tvö ár, á áhrifum aukinnar hreyfingar og hollustu barna. Þau voru látin bera rafeindabúnað sem mældi hreyfingu þeirra yfir tímabilið og bæði foreldra og kennara skráðu niður upplýsingar sem síðan unnið var úr.

Foreldrar og aðrir sem hafa áhuga á málefninu ættu að horfa á þáttinn.

Það er ekki að ástæðulausu sem það er tuggið ofaní okkur frá blautu barnsbeini að morgunmaturinn sé mikilvægasta máltíð dagsins.

Fjölmargar rannsóknir styðja það að hollur og góður morgunmatur getur dregið líkurnar á allskyns sjúkdómum, eykur lífslíkur okkar og hefur heilt yfir jákvæð áhrif á bæði líkama og sál.

Lesa áfram ‘Morgunmatur – skiptir öllu’

Ívar Guðmundsson og Arnar Grant eru léttir í nýjum auglýsingum fyrir Hámark próteindrykkinn þeirra. Þeir snillingar hafa augljóslega húmor fyrir sjálfum sér – eitthvað sem allir ættu að hafa.

Það borgar sig að passa mataræðið, grænmeti og ávextir eru lykilatriði að betri heilsu. Það var góð umfjöllun um þetta í Kastljósi í gær.

Við mælum með að allir horfi á þáttinn.

200 kaloríur í myndum

Kaloríupælingar eru alltaf skemmtilegar. Fæðan sem við borðum er mismunandi og því fróðlegt að sjá mun á magni kaloría í mismunandi fæðum sem við látum ofaní okkur. Meðal manneskja þarf að borða 2000-2500 kaloríur til að halda við eigin þyngd. Þetta er auðvitað breytilegt eftir hvernig lífi við lifum.

Wisegeek.com eru með góða samantekt nokkra tuga fæðu og setja hlutina í visst samhengi.